DSCN2425  

101年全國語文競賽,於11/24~26在彰化縣舉行。72歲的大哥,代表桃園縣南區,參加客語演說---社會組的比賽。經過3天激烈的競爭和評比,大哥榮獲該組第二名的殊榮。這和先慈於民國85年當選全省模範母親,接受宋楚瑜主席表揚的榮譽一樣,是家族之光啊!

253  

恭賀之餘,我說:「大哥,如果是在國、高中,校長一定給你貼紅榜,狂賀王×× 榮獲全國語文競賽客語演說--社會組第二名,外加LED跑馬燈跑一個月、官網首頁掛一個學期」,全國性的比賽得名次,不容易ㄝ!先是平鎮市客語演說初賽第一名、桃園縣南區複賽第一名,取得參加全國比賽的資格後,再於縣政府集訓一週,才正式上場參賽。會場裡先抽講題,30分鐘準備時間,鈴聲一響,就是「語音佔45%,內容佔45%,臺風佔10%」的講演了。

「台上十分鐘,台下十年功」,就我所知,大哥自警界退休後,對「客家話」是下了不少功夫:
1.上網蒐集客家俚語,並抄錄成冊、背誦鑽研。
2.通過客委會高級客語認證考試。
3.取得客委會客語薪傳師資格。
4.受聘桃園縣凌雲國中,擔任母語教師。
5.參與桐花祭舞台劇「三腳採茶戲」演出。
這麼多的基本功,讓他一戰成名,也豐富了他拉胡琴、練毛筆、做義工、唱卡拉OK、跳交際舞、學演戲之外的退休生活。

「困難,困難,困在家裏萬事都難;出路,出路,走出去自然有路。」這雖然是勉勵年輕人的一句話,但對退休老人,好像也一樣適用。

附上他mail給我的講稿,以及賽前準備稿共3篇與親朋好友分享;如果用客家話唸,更能體會文稿的斑爛文采與活跳神韻:

笑容係世界介語言    101年全國語文競賽 客語演說社會組 參賽員 王派雄  

各位評審先生 各位參賽介好朋友同辛苦介工作人員大家好:我今奔日愛演講的題目係『笑容係世界介語言。』笑容當重要這係大家所知,因為笑容是人同人之間介潤滑劑,記得頭擺我還細介時節,在曬穀介禾埕項拖禾稈、拖竹扠ㄟ奔阿母縈草結、縈竹結常常聽到阿母講:『燈籠按靚愛燭、阿妹按靚愛笑容』,阿母也時常講:『伸手毋打笑面人』故所『笑容係世界介語言』也係值得好好利用介一句良言,值得世世代代薪傳下去介一句好話奔人鼓勵、奔人希望介一句好話,我對這句話,有一滴滴ㄟ心得在這講出來,請大家多多指導:

第一:頭下我抽籤抽到『笑容係世界介語言』介題目,一下我就想到美國有一個當有名介目作家海倫凱樂小姐,渠一出世目珠就全看毋到,渠一直認為自家係一個無前途、無希望介人,但是渠母當有愛心,鼓勵渠妹ㄟ一定愛堅強,一定愛勇敢生存下去,認真打拼下去,包尾海倫凱勒小姐成為全世界有名介作家,渠在『三日介光明』一書底肚有講一句話係奔我有三日目珠看得到,我就會當暢,當滿足,因為我看得到阿母靚靚介笑容,看得到朋友親戚甜蜜介笑容,也看得到大家介好笑容……同時看得到逐日早晨、當晝、臨暗ㄟ日頭介笑容,也看得到奈位就有介花花草草介笑容…可見海倫凱勒小姐係一個知福、惜福、造福介人,渠也像嗯哩客家諺語所講:『但存方寸地、留奔子孫耕』介人、留有一片善心福地在後輩ㄟ介心肝肚介人,故所『笑容係世界介語言』

第二:看到時下介後生ㄟ,貳對方講無三句話就惡杰杰ㄟ,頸橫橫ㄟ、舉鎚舉棍,相打臂背,實在無會想事情,煞奔阿爸阿母傷心愁慮。假使渠兜堵到事情面帶笑容,定定ㄟ來講道理、來討論事情,一定就毋會傷到人或者自家來受傷,故所『笑容』盡要緊。

第三:老古人言講『毋驚屋家苦、就驚脯娘無笑容』公婆貳人日日就面帶笑容笑咪咪ㄟ渠介家庭一定當和腦快樂,二公婆共下來打拼事業一定會成功,共下來教育子女,渠賴ㄟ、渠妹ㄟ逐日就看得到,按樣養育成長介子女,一定係當乖、當有孝、當優秀,對社會對國家一定會有當介大貢獻。

各位先生 各位朋友:21世係國際化、多元化介時代也係旅遊觀光介時代,世界上各國人就會飛揚機,出國來來去去,臺灣人去美國去德國美國人、德國人來到臺灣觀光看看ㄟ,大家就面頂有甜甜靚靚介笑容該就非常好哪……。『毋驚衫褲爛  就驚歸身漫,面頂有笑容、福氣就多多多。』請大家共下來做好麼。我今奔日演講就講到這,祝福大家轉去平平安安,日日面頂笑容多福氣多。 承蒙大家 

陂塘同客家人介關係   101年客語演講鄉鎮賽『稿』  社會組 王派雄  

  各位評審先生,各位參賽介好朋友同辛苦的工作人員,大家好!我係第 5號,我今奔日愛演講的題目係:『陂塘同客家人介關係』。 

嗯裡北部地區有盡多『山田ㄟ』,也有盡多大大小小介陂塘,作得洗湯,做得頓水,堵到『做田旱』欠水介時節,做得就將『陂塘肚介水放出來來蔭田,做田』。陂塘也係頭擺嗯裡農家人奔牛ㄟ吃水,奔牛塭水,蓄魚ㄟ、蓄鴉ㄟ、蓄鵝ㄟ介最好場所。記得頭擺還小時節,常常拿著釣彬到屋前介細陂塘去釣魚仔ㄟ,去搞,去聊,放聊天,哈罷ㄟ同學湊等去到卡遠介大陂塘釣魚ㄟ。不論屋前介細陂塘,也係該卡遠介大陂塘,因為陂塘底肚介魚類盡多,每擺一定多多少少會有釣到大大小小介魚ㄟ轉來奔ㄚ姆煎,奔ㄚ姆烤來吃,含好吃ㄛ!函香ㄛ!食著連舌嘛都會吞落去,『幾十年前的介往事想到還會流口涎水..』,這也係我童年介回憶。到如今,奔我回憶介細陂塘,介大陂塘走奈位去勒,『ㄚ!』 煞奔『建築商人旽忒』起大樓,奔政府徵收來作大路勒,還打爽ㄛ!還可惜ㄛ! 

想起陂塘也會奔我想起盡多陂塘同客家人介關係,我有一兜仔心得在這講出來同各位先進分享,請多多指導: 

第一陂塘代表客家人刻苦耐勞,共同合作的精神:陂塘係頭擺人用人工、用腳頭、用笨基一擔一擔辛苦挖出來,挑出來介,開陂塘係非常辛苦介工作,愛大家共下來出力,這就係嗯裡客家人克苦耐勞,煞猛打拼、共同合作介好精神。 

第二陂塘代表嗯裡客家人樂線介精神:有人講揩陂塘泥『一擔重,一擔輕』半做半聊、半晝半暗ㄟ,又有米淒目好吃,罕好空ㄛ 

第三陂塘牢客家人屋場好壞有關係:人講有山有水,就會有好屋場,譬如大溪李騰芳老屋前有一口半圓型的風水池,有一種集財的意思,當好看,平常時也盡多人去該位遊聊、看風景,座下來打嘴鼓…. 

第四老古人言講【事事先準備,免得慌張】:天公平常時落水,嗯裡就將水『頓入』事先挖好介陂塘底肚項,等到缺水嗯裡就將陂塘水放出來使用,毋使愁無水。按樣事事想先行,先打算好來,時到就毋會慌張,係講等到『屎出正來挖屎缸,介就付毋搽勒』。 

第五:老古人言人講『食水唸著水源頭,食果子愛拜樹頭,食米飯愛拜田頭』:介陂塘奔嗯裡按多好處,故所看到陂塘就會有食水唸著水源頭介好心思 

各位鄉親,各位朋友,自從政府介農田水利政策,水庫的建設工程完成後,陂塘介功能煞毋按重要,嗯裡對目前剩下來無幾多ㄟ介大陂塘、細陂塘,愛留兜下來做紀念正好,好好來想,好好來利用、譬論講:『21世紀係旅遊觀光介時代,嗯哩將覲覲介台灣埤塘文化推銷出去奔全世界介人看,去瞭解,也就係一種盡好介想法ㄚ。』
今奔日我的演講就講佇這,祝福大家轉去平平安安,子子孫孫買田又買地。承蒙大家。 

食到老學到老   101年桃園縣客家語演講文稿   參賽員王派雄 

各位評審先生, 各位參賽介好朋友同辛苦的工作人員大家好: 我係9號,我今奔日愛演講介題目係『食到老學到老』。頭下我抽籤抽到『食到老學到老』這個題目心肝肚『挫下驚』,因為這句話係我還細介時節在曬穀介禾裎項拖禾稈,拖竹扠奔阿母『縈草結 縈竹結』該下阿母時常講介話,也係阿爸時常講的話ㄚ,這係一句好話,係一句當有價值介話,值得世世代代傳承下去介客家諺語,我對這句話有一滴滴心得,在這講出來請大家多多指導。 

一、十幾年前我在臺北國父紀念館聽演講,講演介人係當時中央研究院院士楊國樞先生,當時演講題目係『終身學習』。渠講一個人係無『食到老學到老』渠所拿到介大學畢業證書五年過後就會奔時代打忒,在大學底肚所學的知識就跈時代毋到勒,該央時楊院士75歲渠逐日早晨天光起床一定認真讀二點鐘英文, 逐禮拜一定讀一本新書,楊院士『食到老學到老』介精神實在是嗯裡後輩ㄟ學習介對象。 

二、老古人言講『瓠仔老好做杓,菜瓜老好洗鍋,苦瓜老綻著著』,一個人係無向這三種東西學習,到老就會無落無著,故所不論年紀大小,時時就愛來學習,『除忒毋好學作賊』。

   三、人講『敢去一擔樵、毋敢去屋家愁』,『上山打獵無一盤、也有一碟』,『大膽行遍天下、小心寸步難行』;比論我今奔日大膽來參家客家語演講比賽就係『食到老學到老』介事實表現,我心肝肚想這也係做得奔時下介後生ㄟ來參考。 

四、一介人有『食到老學到老』介心思、想法同做法,就會同人毋共樣,比論老弟退休後,自動到市民大學學挨弦、學唱山歌,雖然毋壁,學習的成績跈後生ㄟ毋到,但是交到異多朋友,退休生活也卡生趣、快樂,身體也卡健康。 

各位鄉親各位朋友,老古人言講『牛ㄟ吃禾稈,鴨ㄟ食穀』,『一人一樣命,無人共樣命』,現代介老人家毋好緊想頭擺按歪命,按出差歲,愛勇敢踏出來學兜新時代介新東西,跈等時代介進步,自家正好。我今奔日介演講就講到這,祝福大家轉去平平安安,福氣滿滿,承蒙大家。

 附註: 1 部份的客家話找不到是當的,只有用替代字。 

                2 演講時請用舞台語言譬如說:牽聲打膩  比手劃腳。

 

 

,

pietree0330 發表在 痞客邦 PIXNET 留言(4) 人氣()


留言列表 (4)

發表留言
  • 訪客
  • 派樹賢弟謝謝了...派雄在桃園縣參加複賽時的演講題目是..食到老學到老..這句話也是媽媽時常講的一句好話 給我鼓勵的一句好話 派雄到今天仍然牢記心裡 兩次比賽中我都有引用媽媽的話得到評審老師的青睞 在這裡派雄再次謝謝在天上繼續關心我等的偉大媽媽... 謝謝媽媽 謝謝媽媽 謝謝賢弟派樹的宣傳...... 大家加油 102年台中見..
  • 先預祝你102年馬到成功
    paishu

    pietree0330 於 2012/12/04 20:37 回覆

  • 阿朱
  • 令兄多才多藝,退休生活多采多姿。

    吾兄文采煥發,表現亦不遑多讓。

    賢昆仲不僅是府上之光,也是退休人的楷模。
  • 有生之年,這個部落格是我個人資料庫,
    百年往生之後,他是我的數位墓園.
    抱著這種心情,記錄自己的人生.
    paishu

    pietree0330 於 2012/12/04 20:36 回覆

  • klin49
  • 第二張照片像似你年青時的樣子。烏黑的頭髪!
  • 不堪回首月明中

    pietree0330 於 2013/01/13 10:20 回覆

  • 小雲朵
  • 喊利害的阿巴喔~~